Zubiak
eraikiz

Hariak eta urak

Euskal Herriko hiru administrazio eremutako Ikastoletako ikasle, familia eta langileen arteko zubiak eraikitzeko harien sarea da Zubiak Eraikiz. Eguneroko jardunetik administrazio eremurik gabeko Euskal Herria eraikitzeko Ikastolen proiektua.

Joseba Sarrionandiak esan zuen behin hariren bati loturik gaudela beti. Hauskorrak dira hariak, baina hari bat eta beste bat eta beste bat harilkatzean zubi sendoak sortzen dira. Belaunaldi arteko zubiak, kulturaren zubiak, euskararenak. Mugak zeharkatzeko zubiak, ibaiak, bideak... Iturburutik itsasora arteko bidea da gurea. Ur emari txikitik ibai ederrak sortuz, goxo eta etenik gabe bi bazter batuz, bizia sortuz, uzta ekarriz, itsasoan denek bat eginez.

Ura bere bidean, Ikastolak beren bidean.

Ikastolok Euskal Herria eraikitzen

Ikastolok hiru administrazio eremutan banatuta bagaude ere, nazionala, Euskal Herrikoa, da gure proiektua. Elkarrekin eta elkarlanean aritzen gara. Gure izaeraren, izatearen eta jardunaren parte da halabeharrez eta hala nahi dugulako, urak errekastotik itsasora bere bidea egiten duen gisan; etenik gabe, goxo, emankor… bere bidean.

Zubiak Eraikiz proiektuaren helburuak dira Lapurdi, Nafarroa Behera, Zuberoa, Nafarroa, Gipuzkoa, Araba eta Bizkaiko irakasleen zein ikasle eta familien arteko harremanak sortu eta indartzea; elkarrengandik hain kilometro gutxira egonik, batzuen zein besteen errealitatea ezagutzea; eta beharrik handiena duten Nafarroa zein Ipar Euskal Herriko Ikastolei sustengua eskaintzea.

Ezagutu proiektua

Ikastolak zubiak eraikiz orereta errenteria euskaraldia 2018

Ikastola parte-hartzaileak

Historia, jatorri, tamaina, ezaugarri, errealitate, komunitate… ezberdinetako hainbat Ikastola. Muga administratiboez gaindi Euskal Herria eraiki nahi duten hainbat Ikastola berdin. Ezagutu bakoitza bere bidea egiten, orain arte egindakotik eta etorkizuneko erronketatik; ezagutu elkarrekin beren bidea egiten, orain arteko harietatik eta hemendik aurrerako zubietatik.

Parte hartu proiektuan

Berriak

Irakurri denak

Ezagutu Zubiak Eraikiz proiektuko azken ekimenak eta topaketak, eta izan hurrengo hitzorduen berri. Etengabeko emarian, eguneroko lanean, sortzen dira hariak eta zubiak. Eskutitzez eskutitz, marrazkiz marrazki, txangoz txango, festaz festa… bikotekako, taldekako, komunitateko harremanak josten.